Rezoluta e Keshillit te Sigurimit te OKB-se do te nxirret shume shpejte, pas rezolutes Kuvendi i Kosoves do ta nxjerr Kushtetuten e shtetit te pavarur dhe sovran te Kosoves, do te kemi edhe ceremonite e zyrtarizimit te pavaresise. Ne ne menyre dinjitoze kemi zhvilluar luften per liri, ne menyre dinjitoze kemi kaluar kete tranzicion demokratik, dhe ne menyre dinjitoze, te pergatitur dhe unike po e presim edhe diten e zyrtarizimit te Kosoves se pavarur.

Qellimi dhe perkushtimi im dhe i Partise Demokratike te Kosoves, si forca kryesore politike ne Kosove eshte ruajtja dhe kultivimi i kohezionit politik shtetndertues.
– tha kryetari i PDK-se z.Hashim Thaçi, ne nje interviste dhene emisionit te BBC-se “Zigzag”.

“Propozimi i Ahtisarit per Kosoven e pavarur, eshte zgjidhja e vetme e pranuar dhe e respektuar prej qytetareve te Kosove, prej Shteteve te Bashkuara te Amerikes, prej Bashkimit Evropian, prej sekretarit te pergjithshem te OKB-se, nga Britania e Madhe, nga vendet fqinje, nga tere bota demokratike. Tash do te kete diskutime ne kuader te Keshillit te Sigurimit, por siç eshte i informuar opinioni, tashme votat e mjaftueshme ne KS te OKB-se per rezoluten per Kosoven veç jane siguruar. Keshtu qe, perspektiva per nxjerrjen e vendimit per rezoluten e re eshte ne perfundim e siper” – tha kryetari Thaçi ne emisionin e Radios BBC te Londres, “Zigzag”.

Kreu i opozites kosovare ka folur edhe rreth vizites se misionit faktmbledhes ne Kosove.

“Vizita e anetareve te Keshillit te Sigurimit qe do t’i bejne Kosoves ne ditet e ardhshme do te jete nje vizite informuese, per t’u plotesuar ai informim, te cilin deshirojne ta kene nje pjese e anetareve te KS te OKB-se.Perkushtimi i politikes kosovare, i qytetareve te Kosoves eshte qe anetaret e Keshillit te Sigurimit te kthehen me nje opinion edhe me pozitiv dhe kjo vizite te ndikoje ne unifikimin e qendrimit per rezoluten e re per Kosoven”.

“Anetaret e KS vijne per te vizituar Kosoven, do ta vizitojne edhe Beogradin, do te informohen prej autoriteteve te Beogradit per te ardhmen edhe te Serbise, por edhe te rajonit, edhe te Kosoves. Sinjale shantazhi nga Beogradi kane ndodhur edhe me heret, kane ndodhur edhe ne vitin 2003. Ne te gjithe duhet te fokusohemi si ti integrojme serbet, qytetare te Kosoves dhe natyrisht ne kuader te kesaj t’i marrim pergjegjesite qe na takojne” – u shpreh kryetari i PDK-se.

“Ne po ndertojme Kosove te pavarur, per te gjithe qytetaret e Kosoves, me te drejta te barabarta, duke respektuar veprimet afirmative per komunitetet, ne veçanti per komunitetin serb, ne menyre qe te jene pjese aktive e Kosoves se re, e Kosoves se pavarur, te jene pjese e jetes demokratike, te kene formacionet e tyre politike, te marrin pjese ne zgjedhje, te jene pjese e parlamentit dhe qeverise se ardhshme te Kosoves” – theksoi z.Thaçi.

“Kosova po ndertohet si shtet i pavarur, po ndertohet si shtet i cili duhet te jete funksional, efektiv, me institucione te plota, duke ushtruar autoritetin ne tere territorin e Kosoves, te kete edhe autoritetin sovran ne gjithe hapesiren e vet. Keshtu qe, jo rastesisht para tri viteve, per here te pare, kam potencuar ne Shtetet e Bashkuara te Amerikes qe Kosova duhet te jete shtet i pavarur dhe sovran, dhe jo vetem i pavarur se mund te kete shtete te pavarura, por t’u mungoje sovraniteti. Per kete arsye Kosova do ta kete edhe pavaresine, edhe sovranitetin, nje sovranitet qe i hap perspektive Kosoves, per t’u integruar ne strukturat e Bashkimit Evropian dhe ne NATO, ne raporte te qendrueshme dhe te drejtperdrejta dhe bashkepunimi me Shtetet e Bashkuara te Amerikes” – potencoi kryetari i PDK-se z.Hashim Thaçi.

Kryetari i partise me te madhe ne vend, ne emisionin e BBC-se ka folur edhe per gjendjen ne pjesen veriore te Mitrovices.

“Une kahere kam derguar mesazhin qe qytetaret e pjeses veriore te Mitrovices te mos i shesin pronat dhe shtepite e tyre, por te blejne me teper, te kete projekte konkrete ne kete drejtim, projekte te cilat do t’i inkurajojne njerezit qe te kthehen ne trojet e veta per te vazhduar jeten e re ne Kosoven e pavarur. Nuk do te vjen ne shprehje asnjehere ndarja e qytetit te Mitrovices, veriu eshte pjese e Kosoves, integriteti territorial i vendit respektohet dhe garantohet edhe prej parimeve te Grupit te Kontaktit, qe nuk do te kete ndarje te Kosoves, nuk do te kete ndryshim te kufijve dhe nuk do te kete bashkim me ndonje vend tjeter”.

Kryetari i Partise Demokratike te Kosoves eshte pergjigjur edhe ne pyetjet qe kishin te bejne me mundesine e venies se vetos nga ana e Rusise dhe Kines per rezoluten e re per Kosoven.

“Une dua te besoj qe nuk do te ndodh ndonje pretendim per te vene veto ne rast te nxjerrjes se rezolutes se re per Kosoven, por mund te them se jemi duke shkuar te drejtim te nje procesi te sigurt se rezoluta do te nxirret, do te kemi pajtueshmeri nga te dy vendet qe u potencuan, por ne çdo rrethane do te kemi njohjen e Kosoves se pavarur, brenda shume pak javeve”.

“Rezoluta e Keshillit te Sigurimit te OKB-se do te nxirret shume shpejte, pas rezolutes Kuvendi i Kosoves do ta nxjerr Kushtetuten e shtetit te pavarur dhe sovran te Kosoves, do te kemi edhe ceremonite e zyrtarizimit te pavaresise. Ne ne menyre dinjitoze kemi zhvilluar luften per liri, ne menyre dinjitoze kemi kaluar kete tranzicion demokratik, dhe ne menyre dinjitoze, te pergatitur dhe unike po e presim edhe diten e zyrtarizimit te Kosoves se pavarur” – tha kryetari Thaçi.

Kreu i PDK-se eshte pergjigjur edhe ne interesimet rreth e degjuesve rreth rolit te Maqedonise dhe te vendeve te rajonit ne raport me te ardhmen e Kosoves

“Angazhimi i Maqedonise dhe te gjitha vendeve fqinje, me perjashtim te Serbise ka qene korrekt, konstruktiv dhe mbeshtetes per zgjidhjen e statusit politik te Kosoves. Edhe Maqedonia, edhe Shqiperia, edhe Mali i Zi, por edhe vendet tjera ne rajon nga ish-Jugosllavia, kane dale ne perkrahje te propozimit te presidentit Ahtisari, qe do te thote qe kemi nje opinion te fuqishem ne favor te pavaresise se Kosoves”.

Lideri i PDK-se ka riafirmuar qendrimin e tij dhe te PDK-se per unitetin dhe pergjegjesine qytetare dhe politike ne momentin aktual.

“Kosova eshte unike, eshte e pergatitur, ka treguar pergjegjesi te larte, edhe Kuvendi i Kosoves ka marre pergjegjesite qe i takojne, e ka pershendetur propozimin e presidentit Ahtisari, prezencen civile nderkombetare dhe ate ushtarake te NATO-s, dhe ka deklaruar marrjen e pergjegjesive per implementimin e propozimit te presidentit Ahtisari”.

“Nuk pres mrekulli diten e pare te pavaresise, por pres sjellje te pergjegjshme, marrje te pergjegjesive te reja, ne perputhshmeri me realitetet e krijuara dhe duhet te fokusohemi te gjithe qe te kemi fillim te suksesshem. I gjithe opinioni nderkombetar eshte i orientuar se çka po ndodh ne Kosove ne ditet e para te pavaresise. Keto dite dhe ditet e ardhshme duhet t’i kalojme ne menyre te qete, paqesore, ne menyre qe nga pavaresia e Kosoves te mos ndihet keq asnje komunitet ne Kosove, sepse pavaresia e Kosoves duhet te jete ne interes te te gjithe qytetareve te Kosoves. Une besoj se do te jemi shume dinjitoze, shume te pergjegjshem, si politike dhe si qytetare te Kosoves” – tha mes tjerash kryetari i PDK-se.

Ne intervisten dhene BBC-se, kryetari Thaçi ka folur edhe per simbolet e ardhshme te Kosoves.

“Simbolet e shtetit te Kosoves nuk jane çeshtje te nje partie, te nje individi, te nje disponimi te nje grupi te caktuar te njerezve, por jane perkushtime dhe vlera identifikuese per vendin dhe per te gjithe qytetaret e Kosoves. Ne kete drejtim kam besim se edhe Kuvendi i Kosoves, politika kosovare dhe qytetaret e Kosoves do te jene unike ne rastin e nxjerrjes se flamurit, stemes dhe himnit, ne menyre qe te kemi simbole unifikuese dhe identifikuese per qytetaret e Kosoves, qe do t’i respektojme dhe te ndihemi krenare dhe dinjitoze me simbolet e ardhshme shteterore te Kosoves”.

Duke u pergjigjur ne interesimin e degjuesve te Radios BBC te Londres, lidhur me mundesine e rirreshtimeve politike ne Kosove, kryetari Thaçi theksoi:

“Sot per askend nuk duhet te kete ambicie per pushtet, duhet te kete perkushtim per ndertimin e shtetit, pastaj hapen perspektiva te reja te konkurrences se vlerave demokratike. Opozita kosovare ka sakrifikuar shume gjate kesaj periudhe, duke ruajtur dhe kultivuar unitetin shtetformues ne Kosove. Ne kemi ofruar perkushtimin tone te bashkepunimit, te bashkepergjegjesive. Ka qene nje afrim i ndersjelle, i cili eshte reflektuar ne tere skenen politike kosovare. Tere perkushtimi im eshte ruajtja e unitetit politik, investimi per ndertimin e institucioneve stabile dhe efektive, sepse para se gjithash kemi nevoje per institucione te cilat jane te gatshme t’i marrin pergjegjesite dhe te mos kemi fillim te ndertimit te shtetit te deshtuar, por fillimin e ndertimit te nje shteti efektiv. Qellimi dhe perkushtimi im dhe i Partise Demokratike te Kosoves, si forca kryesore politike ne Kosove eshte ruajtja dhe kultivimi i kohezionit politik shtetndertues”.

Ish-udheheqesi politik i Ushtrise Çlirimtare te Kosoves z.Hashim Thaçi, ne emisionin e radio BBC-se ne Londer, ka folur edhe rreth gjykimit te ish-komandantit te Zones Operative te Dukagjinit te UÇK-se Ramush Haradinaj ne Hage.

“Ushtria Çlirimtare e Kosoves, shqiptaret e Kosoves nuk kane kryer krime, kane zhvilluar lufte çlirimtare dhe çdo shqiptar ne Hage, gjendet padrejtesisht dhe natyrisht qe perkushtimi i te gjithe neve eshte qe te lirohen sa me shpejte qe eshte e mundur. Atje do te deshmohet pafajesia e njerezve qe gjendet atje, sepse UÇK ka zhvilluar lufte te drejte, lufte çlirimtare, ka ruajtur dhe kultivuar partneritetin me NATO-n dhe boten perendimore, ka luftuar kunder gjenocidit te Serbise”.